الحاجات دى عبيطه قوى بس للأسف كلنا بنعملها ؟؟

الحاجات دى عبيطه قوى بس للأسف كلنا بنعملها ؟؟

وبيتهيئالى إن كلها صح



يلا بسم الله



ليه لما تكون بطاريه الريموت ضعيفه بندوس على الزراير جامد قوى
و نقعد ندوس بغل كدا و نضرب فى الريموت

قال يعنى كدا هيشتغل؟؟ ولا انت بتعزب الريموت مثلا ؟



ليه لو قرصتنا نمله صغيره و نيجى نموتها
بنفعصها جااااااامد قوى

انت كدا بتنتقم يعنى ولا إيه
دى نمله يعنى بتموت بلمسه صغيره
دا انت ناقص تقوم تجيب إيد الهون و تدقها



ليه لما تكون راكب عربيه و ماشى فى مكان و تحس
انك دخلت مكان غلط او توهت
بتوطى صوت الكاسيت

انت كدا يعنى هتوصل بسرعة ؟؟
حاجه غريبه جدا



ليه بنقول ديما .. هديه مجانيه

ما طبعا لازم تكون الهديه مجانيه
هو فى هديه مش مجانيه



ليه لما يكون مثلا مكتوب على حيطه كلمه
احترس من الدهان
مبنصدقش ولازم نجرب بايدينا

دا هبل يعنى ولا إحنا بنكدب الحيطة
؟؟




ليه لما نكون مثلا مستنين الاسانسير و يتأخر بنقعد ندوس كتير اوى على الزرار؟

كدا يعنى هيتكسف وينزل بسرعه؟




ليه لما تكون بتأكل طفل صغير بتفتح بقك انت كمان

يعنى انت اللى هتاكل ولا هو ؟؟
ولا انت بتشجعه يعنى



ليه دايما كل ما بنصحى من النوم بنحس اننا
فى حاااااااااااااجه شديده لــ 10 دقائق اضافيه من النوم
ولو منمتهومش هتحس انك هتموت ولا هيجرالك حاجه




ليه لما تدخل مثلا الاوضه على اخوك او اختك او اى حد من عيلة زيزى بتاعتك
و تلاقيه على سريره و بيتغطى
تقوم انت بكل عبط تقوله
انت هتنام؟؟

امال يعنى هو هيتشقلب؟؟
ما هو كدا واخد وضع النوم
حاجه تغيظ بجد
أنا مجرب دى كتير على فكره




ليه بعد ما نشرب أخر شويه شاى فى الكوبايه
نبص فى الكوبايه

مش مصدق يعنى ان الشاى خلص
ولا انت مخون الكوبايه وبتتأكد؟




ليه لما تكون قاعد فى مكان عام
وتسمع موبايل بيرن
تقوم تشوف اذا كان تليفونك اللى بيرن دا ولا لا

ليه سعتك يعنى هو مفيش الا انت معاك موبايل
وتلاقيك اصلا شايل 3310

ليه لما نكون بنلعب بلاى ستاشن
أو لعبه عربيات بالذات او اى حاجه تانيه
بنقعد نروح ونيجى مع العربيه كدا
ونطلع وننزل ونحود جامد مع العربيه كدا
زى مايكون إحنا اللى سايقين